Messan: Arnar vill að Liverpool verði meistari

„Ég er ekki einn af þessum bitru Manchester United-mönnum sem hata Liverpool,“ sagði Arnar Gunnlaugsson í Messunni á Stöð 2 Sport 2.

Arnar var annar sérfræðinga þáttarins þessa vikuna ásamt Hjörvari Hafliðasyni og fór yfir sannfærandi sigur Liverpool á Tottenham á sunnudag.

Með sigrinum komst Liverpool á topp ensku úrvalsdeildarinnar og þykir til alls líklegt í titilbaráttunni í ár.

„Ég er bara virkilega ánægður [með Liverpool] og ég vona að liðið vinni titilinn í ár,“ sagði Arnar. „Ég er United-aðdáandi sem og aðdáandi íslenska landsliðsins og Barcelona - en fyrst og fremst er ég knattspyrnuáhugamaður og það eru forréttindi að fá að horfa á svona knattspyrnu.“