„Mikilvægt að rödd Íslands heyrist“
Gunnar Bragi Sveinsson utanríkisráðherra er nú á leið til Kænugarðs til að kynna sér ástandið og greina ráðamönnum þar frá þátttöku Íslands í refsiaðgerðum gegn Rússum og bandamönnum þeirra í Úkraínu.
Ráðherra mun einnig heimsækja úkraínska þingið og Maidan torg þar sem talið er að allt að 80 manns hafi fallið fyrir skotum leyniskytta í mótmælum almennings gegn stjórn Janukovits fyrrverandi forseta landsins.
Heimir Már Pétursson, fréttamaður Stöðvar 2 og Bylgjunnar, er með í för og hann ræddi við ráðherrann þegar þeir millilentu í Helsinki í Finnlandi skömmu fyrir hádegi í dag.
„Tilgangur þessarar ferðar er að tengjast bráðabirgðastjórninni sem er núna við völd í Úkraínu og að sýna um leið samstöðu með úkraínsku þjóðinni að sjálfsögðu. Við munum nota þessa ferð til að funda með kollega mínum, þingmönnum, fulltrúum frjálsra félagasamtaka og mögulega fleiri aðilum.“
„Það er rétt sem kom fram í innganginum að fréttinni að við höfum tekið undir þær þvingunaraðgerðir sem hafa verið settar fram nú þegar. Það er mikilvægt að rödd Íslands heyrist í þessu máli eins og rödd allra annarra þjóða sem sýna úkraínsku þjóðinni stuðning,“ sagði Gunnar Bragi Sveinsson utanríkisráðherra í samtali við Heimi Má Pétursson í hádegisfréttum Bylgjunnar.
Tengdar fréttir
Rússar líta til austurs eftir bandamönnum
Evrópusambandið og Úkraína hafa skrifað undir samkomulagið sem leiddi til mótmælanna í Úkraínu.
Krímskagi formlega orðinn hluti af Rússlandi
Vladimir Pútín staðfesti lögin fyrir skömmu, eftir að efra þing Rússlands samþykkti þau einróma í morgun.
Gunnar Bragi utanríkisráðherra á leið til Úkraínu
Gunnar Bragi Sveinsson fer í opinbera heimsókn til Úkraínu í dag þar sem hann mun ræða við stjórnvöld um ástandið í landinu. Hann staðfesti í gær þvingunaraðgerðir gegn þeim sem tengjast aðgerðum Rússa á Krímskaga.
Óttast að Rússar undirbúi stórfelldar hernaðaraðgerðir í Úkraínu
Eiga á hættu frekari refsiaðgerðir af hálfu Evrópusambandsins.
Nýr ríkissaksóknari Krímskaga vekur athygli
Myndir af Natalia Poklonskaya fara um internetið eins og eldur í sinu.
Útilokar ekki refsiaðgerðir gegn rússneska hagkerfinu
Bandaríkin munu beita frekari refsiaðgerðum gegn einstaklingum í Rússlandi vegna deilunnar um Krímskaga, bæði innan ríkisstjórnarinnar og utan hennar.
Aðgerðasinnar á Krímskaga tóku flotaforingja til fanga
Rússneska fánanum flaggað við höfuðstöðvar úkraínska flotans í Sevastópól.
Rússar segja að viðskiptaþvinganir muni hafa afleiðingar
Rússar segja að viðskiptaþvinganir vesturveldanna, sem Íslendingar eru aðilar að og eru tilkomnar vegna deilunnar um Krímskaga, séu óásættanlegar og að þær muni hafa afleiðingar.
Krím mun tilheyra Rússlandi
Vladímír Pútín Rússlandsforseti undirritaði sáttmála við leiðtoga á Krímskaga.
