Moyes: Vorum ekki nógu góðir

Martraðartímabil David Moyes í stjórastól Man. Utd hélt áfram í kvöld er liðið tapaði 0-3 á heimavelli gegn erkifjendunum í Man. City.

Þetta er í fyrsta skiptið í sögunni sem Man. Utd tapar öllum fjórum leikjum sínum gegn bæði Man. City og Liverpool á sama tímabilinu.

"Við byrjuðum leikinn alveg skelfilega. Þeir voru sterkir en við uxum með hverri mínútu og vorum með í leiknum þar til þeir skoruðu aftur," sagði Moyes.

"Á endanum vorum við samt ekki nógu góðir til þess að fá eitthvað úr leiknum. Við vorum að mæta virkilega góðu liði.

"Það sást vel í þessum leik að við erum ekki í sama gæðaflokki og City um þessar mundir og verðum að bæta okkar leik umtalsvert."