Enski boltinn

Mata: Rooney einn sá besti í heimi

Eiríkur Stefán Ásgeirsson skrifar
Mata með knattspyrnustjóranum David Moyes á fundinum í dag.
Mata með knattspyrnustjóranum David Moyes á fundinum í dag. Vísir/Getty
Juan Mata sat í fyrsta sinn fyrir svörum blaðamanna í dag sem leikmaður Manchester United. Hann lofaði mjög Wayne Rooney.

„Hann er ótrúlegur og mér finnst hann einn besti leikmaður Englands frá upphafi,“ sagði Mata á fundinum í dag.

„Hann getur bæði skorað og lagt upp mörk. Ég mun reyna að tengjast honum eins vel og ég mögulega get inn á vellinum. Ég mun reyna að finna glufur í vörn andstæðingsins og skapa færi fyrir framherjana,“ sagði Mata.

Mata var keyptur frá Chelsea fyrir um sex milljarða króna en hann hræðist ekki að vera dýrasti leikmaður Manchester United frá upphafi.

„Ég kann vel við pressuna. Það er gott fyrir knattspyrnumenn að reyna að bæta sig. Fólk ætlast til mikils af mér og ég hlakka til að takast á við það.“

Enski boltinn

Tengdar fréttir

United samþykkir kaupverðið á Mata

Manchester United staðfesti í kvöld að félagið hafi komist að samkomulagi við Chelsea um kaup á Spánverjanum Juan Mata fyrir 40 milljónir punda - um sjö og hálfan milljarð króna.

Mata mættur til Manchester

David Moyes, knattspyrnustjóri Manchester United, var mættur til þess að taka á móti Spánverjanum sem ferðaðist frá London í þyrlu í dag.

Mest lesið


Fleiri fréttir

Sjá meira


×

Mest lesið