Þriggja milljón króna sekt fyrir reiðikast á Twitter

Michael Chopra, leikmaður Blackpool, var allt annað en sáttur við aukaæfinguna sem hann var boðaður á snemma morguns. Hann tók út reiði sína á Twitter og þarf að borga ríflega fyrir það.

Aðeins sex leikmenn voru kallaðir á æfinguna en Chopra vildi sjá fleiri varamenn á svæðinu. Hann var síðan ekki par sáttur við að styrktarþjálfarinn stýrði æfinguna.

"Þetta er fokking brandari," skrifaði Chopra á Twitter meðal annars. Hann hefur nú eytt færslunni.

Engu að síður hefur félagið ákveðið að sekta hann um tæpar þrjár milljónir króna fyrir viðbrögðin.