Falcao og De Gea tryggðu United sigur | Sjáðu mörkin

Manchester United vann annan sigur sinn í röð í ensku úrvalsdeildinni í dag þegar liðið lagði Everton 2-1 á Old Trafford í Manchester.

Ángel di María kom Manchester United yfir með góðu skoti á 27. mínútu. Everton fékk gullið tækifæri til að jafna rétt fyrir hálfleik en þá varði David de Gea vítaspyrnu Leighton Baines.

Steven Naismith náði að jafna metin eftir sendingu Baines á tíundu mínútu seinni hálfleiks en sjö mínútum síðar tryggði Radamel Falcao sigur Manchester United þegar hann afgreiddi misheppnað skot Di María í netið.

Manchester United getur þó þakkað De Gea sigurinn því fyrir utan að verja vítið þá varði hann frábærlega undir lokin þegar allt benti til þess að Everton væri að fara að jafna metin.

Manchester United er komið með 11 stig í sjö leikjum en Everton er í 17. sæti með 4 stig.

Di María 1-0: De Gea ver víti: Naismith 1-1: Radamel Falcao 2-1: