Hefði viljað mæta til opinna réttarhalda

Bandaríski uppljóstrarinn Edward Snowden segir í viðtali við Jane Mayer, blaðamann á tímaritinu New Yorker, að hann hefði gjarnan viljað fara til Bandaríkjanna og mæta þar fyrir dómara.

Bandarísk stjórnvöld hafi hins vegar ekki tekið í mál að réttarhöldin yrðu opin og hann gæti mætt þangað frjáls maður.

„Ég hafði sagt stjórnvöldum aftur og aftur í samningaviðræðum að ef þau væru reiðubúin til að bjóða opin réttarhöld með sama hætti og Dan Ellsberg fékk, og ég fengi að flytja mál mitt fyrir kviðdómi, þá væri ég fús til þess,“ sagði Snowden, og vísaði til réttarhaldanna yfir manninum sem lak Pentagonskjölunum árið 1971.

Viðtalið við Snowden var tekið í tilefni af nýrri heimildarmynd um hann, sem frumsýnd verður í Bandaríkjunum síðar í þessum mánuði. Það er Laura Poitras, sem gerði myndina, en hún var stödd hjá honum í Hong Kong þegar hann lak upplýsingum um víðtæka njósnastarfsemi Bandaríkjanna.

Í myndinni kemur meðal annars fram að Snowden hafi það harla gott í Moskvu, þó svo hann hafi aldrei ætlað sér að ílengjast þar. Meðal annars kom kærasta hans þangað í júlí