Stuðningsmaður Arsenal myrti stuðningsmann Liverpool

Það er að verða allt of algengt að við heyrum fréttir af afrískum áhugamönnum um enska boltann sem gjörsamlega missa sig vegna gengis síns liðs.

Það er aðeins mánuður síðan stuðningsmaður Man. Utd í Afríku tók eigið líf eftir tap United gegn Newcastle.

Nú um helgina sturlaðist stuðningsmaður Arsenal er hann horfði upp á sitt lið skíttapa gegn Liverpool.

Stuðningsmaður Liverpool gerði stöðugt grín að Arsenal-manninum. Það endaði með því að Arsenal-maðurinn stakk Liverpool-manninn til bana í lok leiks.

Leit stendur yfir af morðingjanum.