Vissi ekki að mætti vera með tvo markverði

Ég vissi ekki að það mætti vera með tvo markverði sagði Gary Monk, stjóri Swansea, í leikslok aðspurður út í atvikið þegar Alcaraz varði boltann í markalausu jafntefli Swansea gegn Everton í dag.

„Eftir allt var þetta gott stig. Þetta var ódýrt gult spjald á Jonjo, en ég útskýrði þetta fyrir honum að þú getur ekki gert svona hluti á gulu spjaldi. Hann skildi það enda klár strákur," sagði Monk.

Aðspurður út í atvikið í fyrri hálfleik þegar Swansea átti að fá vítaspyrnu eftir að boltinn hafi farið í hönd Antolin Alcaraz svaraði Monk: „Ég vissi ekki að það mættir vera með tvo markverði. Ég væri mjög ánægður ef minn markvörður hefði varið svona, en við fengum ekkert víti svo hvað get ég sagt?"

„Ég er virkilega stoltur af mínu liði. Þeir áttu skilið stig miðað hvað þeir lögðu mikið á sig í dag," sagði stoltur Monk í leikslok.

Swansea er eftir leikinn í sjötta sæti deildarinnar með fimmtán stig.