Wenger: Frábær frammistaða hjá Sanchez

Arsene Wenger, stjóri Arsenal, var skiljanlega ánægður með sína menn eftir 3-0 sigurinn á Burnley í dag. Alexis Sanchez var frábær og Theo Walcott sneri aftur á völlinn eftir langa fjarveru vegna meiðsla.

„Í dag var þetta spurning um þolinmæði og gæði. Það var mikilvægt að fá ekki á sig mark, en á endanum var þetta þægilegur sigur," sagði Wenger í leikslok.

„Þetta var frábær frammistaða frá Alexis Sanchez. Gæðin hans eru framúrskarandi, hann tekur ábyrgð, berst og getur skorað. Það er það sem þú vilt fá frá frábærum leikmönnum."

„Leikurinn í dag gaf Walcott sjálfstraust til að spila aftur. Ég held að hann verði bráðlega kominn í sitt besta stand," sagði Wenger að lokum.