Frábært gengi Southampton heldur áfram

Southampton heldur áfram að gera frábæra hluti í ensku úrvalsdeildinni, en liðið er í öðru sæti fimm stigum á eftir Chelsea eftir sigur á Hull í dag.

Victor Wanyama skoraði eina mark leiksins eftir þriggja mínútna leik með skoti af 35 metra færi eftir ævintýralegt úthlaup Eldin Jakupovic.

WBA vann mikilvægan sigur á Leicester, en Esteban Cambiasso skoraði eina mark leiksins, þó í sitt eigið mark. WBA um miðja deild, á meðan Leicester er í botnbaráttunni.

West Ham kom til baka og náði jafntefli gegn Stoke á útivelli, en Stoke leiddi með tveimur mörkum þegar hálftími var eftir af leiknum. West Ham er í fimmta sætinu með sautján stig. Góð byrjun hjá þeim.

Hull City - Southampton 0-1

0-1 Victor Wanyama (3.).

Leicester City - WBA 0-1

0-1 Esteban Cambiasso (47. - sjálfsmark).

Stoke - West Ham 2-2

1-0 Victor Moses (33.), 2-0 Mame Biram Diouf (56.), 2-1 Enner Valencia (60.), 2-2 Stewart Downing (73.).