Hazard hetja Chelsea

Chelsea lenti í kröppum dansi gegn nýliðum QPR á heimavelli, en Eden Hazard var hetjan með marki úr vítaspyrnu stundarfjórðungi fyrir leikslok.

Oscar kom Chelsea yfir eftir rúmlega hálftíma leik með smekklegu marki, en Charlie Austin jafnaði metin eftir rúman klukkutíma.

Eden Hazard fiskaði svo vítaspyrnu eftir frábæran sprett á 76. mínútu. Hann steig sjálfur á punktinn og skoraði framhjá Robert Green í marki QPR:

Chelsea heldur toppsætinu, en þeir eru með fjögurra stiga forystu á Southampton sem er í öðru sætinu.

QPR í nítjánda sæti með sjö stig.