Mata verður að treysta Mourinho

Spænski landsliðsmaðurinn Juan Mata hefur mátt sætta sig við ansi mikla bekkjarsetu hjá Chelsea í vetur og það hefur komið mörgum á óvart. Hann fær þó að spila í kvöld er Chelsea leikur gegn Swindon í deildabikarnum.

Steve Holland, aðstoðarþjálfari hjá Chelsea, segir að leikmaðurinn verði að treysta stjóranum, Jose Mourinho.

"Mourinho ögrar leikmönnum á hverjum einasta degi. Hann vill fá það besta frá hverjum og einum. Það hefur skilað góðum árangri hjá honum," sagði Holland.

"Ef þið skoðið árin þrjú hjá Jose með Ronaldo þá sést hversu miklum framförum Ronaldo tók sem einstaklingur. Hann fór úr því að verða góður leikmaður í að verða maður sem vinnur leiki upp á eigin spýtur.

"Svoleiðis kemur ekki af sjálfu sér. Það kemur út af þjálfuninni. Mourinho er alltaf að hugsa um heildina. Mata þarf að aðlaga sig að nýjum aðstæðum og ég er viss um að hann mun gera það."