Rodgers ánægður með sigurinn

Brendan Rodgers, knattspyrnustjóri Liverpool var ánægður með lærisveina sína eftir 3-1 sigur gegn Sunderland í dag. Luis Suarez var að spila fyrsta leik sinn í ensku úrvalsdeildinni frá því í apríl.

„Hann er að fá verðlaunað fyrir frábært viðhorf og frábæra vinnusemi á meðan hann var í banni. Hann er að ná að tengja við Daniel Sturridge, þeir vinna vel saman og framhaldið er spennandi. Við breyttum leikkerfinu í 3-4-1-2 í dag og það virkaði vel."

„Við vorum ógnandi allan leikinn með skyndisóknum, við vissum að þetta yrði erfiður leikur og þeir myndu ekki gefa okkur tommu. Vinnusemin í liðinu var frábær og við eigum enn eftir að bæta okkur,"

Fyrsta mark Liverpool í leiknum var á gráu svæði, boltinn virtist fara af hönd Daniel Sturridge og í netið. Sturridge viðurkenndi það í viðtölum eftir leik.

„Þetta var frábær fyrirgjöf hjá Stevie og ég reyndi að skalla boltann en náði því ekki og hann fór af höndinni og inn. Ég var ekki að reyna þetta, ég myndi aldrei reyna að skora með hendinni. Þessir hlutir gerast bara," sagði Sturridge.