Newcastle fékk bæði nóvember-verðlaunin í enska boltanum

Alan Pardew, knattspyrnustjóri Newcastle United og markvörður hans Tim Krul eru stjóri og leikmaður nóvembermánaðar í ensku úrvalsdeildinni en sérstök valnefnd á vegum deildarinnar valdi þá besta.

Newcastle vann alla fjóra leiki sína í nóvembermánuði undir stjórn Alan Pardew eftir að hafa aðeins náð í 11 stig í fyrstu níu leikjum sínum.

Newcastle vann Chelsea 2-0, Tottenham 1-0 á White Hart Lane og svo 2-1 sigra á bæði West Bromwich Albion og Norwich City.

Tim Krul var frábær í marki Newcastle í nóvember sérstaklega í leikjunum á móti Chelsea og Tottenham. Hann fékk aðeins á sig tvö mörk í þessum fjórum leikjum.



Verðlaunin til þessa á tímabilinu

Ágúst 2013

Besti stjórinn: Brendan Rodgers, Liverpool

Besti leikmaðurinn: Daniel Sturridge, Liverpool

September 2013

Besti stjórinn: Arsène Wenger, Arsenal

Besti leikmaðurinn:  Aaron Ramsey, Arsenal

Október 2013

Besti stjórinn:  Mauricio Pochettino, Southampton

Besti leikmaðurinn: Sergio Agüero, Manchester City

Nóvember 2013

Besti stjórinn: Alan Pardew, Newcastle

Besti leikmaðurinn: Tim Krul, Newcastle