Suarez vill enn fara frá Liverpool

Sögunni endalausu um Luis Suarez er langt frá því að vera lokið. Hann hefur nú borið til baka fréttir frá því í morgun um að hann ætlaði að vera áfram hjá Liverpool.

Það var blað í Úrúgvæ sem hafði þetta eftir Suarez. Héldu þá margir að hann væri búinn að gefast upp á því að sleppa frá félaginu en svo er nú aldeilis ekki.

"Ég sagði þetta aldrei. Kannski gerði einhver annar það," sagði Suarez eftir leik Úrúgvæ og Japans sem Úrúgvæ vann, 4-2.

Suarez skoraði eitt mark í leiknum en Diego Forlan skoraði tvö mörk.