Ferguson: Berbatov hleypur ekki í gegnum veggi fyrir þig

Sir Alex Ferguson, knattspyrnustjóri Manchester United, talaði vel um búlgarska framherjann Dimitar Berbatov í aðdraganda bikarsleiks Manchester United og Fulham á Old Trafford í dag.

Þetta verður fyrsta heimsókn Dimitar Berbatov á Old Trafford síðan að United seldi hann til Fulham í sumar fyrir talsvert minna en þær 30 milljónir sem Sir Alex var tilbúinn að borga fyrir hann frá Tottenham árið 2008.

„Dimitar stóð sig ekki illa hérna. Sumir vilja að leikmenn hlaupi í gegnum veggi fyrir sitt félag en Dimitar er ekki þannig leikmaður. Hann er samt mjög hæfileikaríkur og var með ágæta markatölfræði hjá okkur," sagði Sir Alex Ferguson.

Dimitar Berbatov skoraði 48 mörk í 108 deildarleikjum á fjórum tímabilum með Manchester United en hann varð markakóngur deildarinnar 2010–11 með 20 mörk í 32 leikjum.

Dimitar Berbatov er þegar kominn með 7 mörk og 4 stoðsendingar í 19 deildarleikjum í búningi Fulham en hann skoraði 7 deildarmörk fyrir United allt tímabilið í fyrra.

„Vandamálið hjá Dimitar var ekki hann sjálfur heldur hvaða leikkerfi við vildum spila og hvaða ákvarðanir ég varð að taka. Chicharito átti frábært fyrsta tímabil með okkur og komst fram fyrir Dimitar í goggunarröðinni," sagði Sir Alex.

Leikur Manchester United og Fulham hefst klukkan 17.30 og verður í beinni útsendingu á Stöð 2 Sport 3.

Ferguson: Berbatov hleypur ekki í gegnum veggi fyrir þig

Sir Alex Ferguson, knattspyrnustjóri Manchester United, talaði vel um búlgarska framherjann Dimitar Berbatov í aðdraganda bikarsleiks Manchester United og Fulham á Old Trafford í dag.

Þetta verður fyrsta heimsókn Dimitar Berbatov á Old Trafford síðan að United seldi hann til Fulham í sumar fyrir talsvert minna en þær 30 milljónir sem Sir Alex var tilbúinn að borga fyrir hann frá Tottenham árið 2008.

„Dimitar stóð sig ekki illa hérna. Sumir vilja að leikmenn hlaupi í gegnum veggi fyrir sitt félag en Dimitar er ekki þannig leikmaður. Hann er samt mjög hæfileikaríkur og var með ágæta markatölfræði hjá okkur," sagði Sir Alex Ferguson.

Dimitar Berbatov skoraði 48 mörk í 108 deildarleikjum á fjórum tímabilum meðManchester United en hann varð markakóngur deildarinnar 2010–11 með 20 mörk í 32 leikjum.

Dimitar Berbatov er þegar kominn með 7 mörk og 4 stoðsendingar í 19 deildarleikjum í búningi Fulham en hann skoraði 7 deildarmörk fyrir United allt tímabilið í fyrra.

„Vandamálið hjá Dimitar var ekki hann sjálfur heldur hvaða leikkerfi við vildum spila og hvaða ákvarðanir ég varð að taka. Chicharito átti frábært fyrsta tímabil með okkur og komst fram fyrir Dimitar í goggunarröðinni," sagði Sir Alex.

Leikur Manchester United og Fulham hefst klukkan 17.30 og verður í beinni útsendingu á Stöð 2 Sport 3.