Dramatík hjá Birni og Kára | Pálmi Rafn í sigurliði

Björn Bergmann Sigurðarson og Kári Árnason voru í sigurliðum í ensku c-deildinni í dag. Það var Pálmi Rafn Pálmason einnig í norsku úrvalsdeildinni.

Kári Árnason og félagar í Rotherham unnu 3-2 sigur á Oldham á heimavelli í dag. Daniel Nardiello skoraði öll mörk Rotherham og sigurmarkið í viðbótartíma. Kári spilaði allan leikinn með þeim rauðklæddu.

Björn Bergmann kom af bekknum hjá Úlfunum sem lögðu Swindon 3-2. Heimamenn komust í 3-1 á lokamínútu leiksins en gestirnir minnkuðu strax muninn. Nær komust þeir þó ekki. Björn Bergmann kom inn á sem varamaður í síðari hálfleik.

Rotherham hefur 15 stig eftir sjö leiki en Wolves hefur 16 stig eftir sex leiki.

Pálmi Rafn Pálmason var í byrjunarliði Lilleström sem lagði Sogndal 2-1 á útivelli. Húsvíkingurinn spilaði allan leikinn fyrir lið sitt sem er um miðja deild.