Oxlade-Chamberlain vinsælli en Gerrard

Robin van Persie var það nafn sem knattspyrnuunnendur í Englandi létu oftast prenta aftan á treyjur sínar á síðustu leiktíð.

Árlega er tekin saman listi yfir hvaða leikmaður er vinsælastur þegar kemur að treyjum. Ýmist er hægt að kaupa treyju með nafni leikmanns aftan á eða einfaldlega óska eftir því að ákveðið nafn sé prentað á.

Athygli vekur að þeir þrír leikmenn sem nutu mestra vinsælda á síðustu leiktíð eru allir á mála hjá Manchester United. Fernando Torres og Eden Hazard hjá Chelsea eru í 5. og 6. sæti listans og þar á eftir Luis Suarez, framherji Liverpool.

Umtalaðasti knattpspyrnumaður álfunnar þessa dagana, Walesverjinn Gareth Bale, kemst hins vegar ekki á lista yfri efstu tíu leikmennina. Sömu sögu er að segja um Steven Gerrard, fyrirliða Liverpool. Þrír leikmenn Arsenal, Jack Wilshere, Alex Oxlade-Chamberlain og Santi Cazorla, raða sér í 8., 9. og 10. sæti.

Lista með nöfnum tíu efstu, sem Daily Mail birtir má sjá hér að neðan:

1. Robin van Persie (Manchester United)

2. Wayne Rooney (Manchester United)

3. Shinji Kagawa (Manchester United)

4. Sergio Aguero (Manchester City)

5. Fernando Torres (Chelsea)

6. Eden Hazard (Chelsea)

7. Luis Suarez (Liverpool)

8. Jack Wilshere (Arsenal)

9. Alex Oxlade-Chamberlain (Arsenal)

10. Santi Cazorla (Arsenal)