Yfirnjósnari Newcastle fylgdist með Alfreð

Graham Carr, yfirnjósnari enska úrvalsdeildarfélagsins Newcastle, sá Alfreð Finnbogason skora tvö mörk fyrir Heerenveen á dögunum. Mirror greinir frá því.

Carr var mættur á Abe Lenstra leikvanginn þegar Heerenveen lagði FC Twente í hollenska bikarnum. Landsliðsmaðurinn 24 ára skoraði eins og hann virðist raunar gera í hverjum leik með þeim bláu og hvítu.

Newcastle reyndi án árangurs að fá Alfreð lánaðan undir lok félagaskiptagluggans en án árangurs. Þá staðfesti umboðsmaður Alfreðs að félagið hefði sagst myndu gera skutlur úr tilboðum lægri en tíu milljónir evra. Alfreð hefur lýst yfir áhuga á að ganga til liðs við stærri félög þótt honum líki vistin vel hjá Heerenveen. Hann er þó með báða fætur á jörðinni og einbeitir sér að því að standa sig vel hjá hollenska félaginu.