Í þriðja sinn sem landsliðið kemur til baka á útivelli

Það er ekki daglegt brauð að íslenska karlalandsliðið í knattspyrnu komi til baka eins og það gerði svo glæsilega í Ljubljana í gær.

Eftir að hafa lent 1-0 undir í leiknum kom íslenska liðið til baka og vann með tveimur mörkum frá Gylfa Þór Sigurðssyni.

Þetta var aðeins í þriðja skiptið sem Ísland snýr taflinu við á útivelli. Það gerðist fyrst árið 1992 er Ísland vann frækinn útisigur, 1-2, á Ungverjum. Þá skoraði Hörður Magnússon eftirminnilegt mark. Hér að neðan má finna umfjöllun um frægðarförina til Ungverjalands.

Níu árum síðar, eða árið 2001 í undankeppni fyrir heimsmeistarakeppnina árið 2002, kom íslenska liðið einnig til baka gegn Möltu og vann 1-4 útisigur.