Arsenal vann WBA í vítakeppni og mætir Chelsea

Arsenal er komið áfram í enska deildabikarnum eftir 4-3 sigur á West Bromwich Albion í vítakeppni þegar liðið mættust í kvöld á The Hawthorns, heimavelli WBA. Leikurinn sjálfur endaði 1-1. Arsenal mætir Chelsea á heimavelli í næstu umferð.

Spænski bakvörðurinn Nacho Monreal skoraði úr síðustu spyrnu Arsenal og tryggði liðinu sæti í sextán liða úrslitum keppninnar. Arsenal klikkaði á sinn annarri spyrnu en leikmenn WBA skutu framhjá í tveimur spyrnum sínum og Arsenal-menn nýttu sér það.

Arsene Wenger, knattspyrnustjóri Arsenal, skipti nær algjörlega um lið því það voru aðeins Per Metesacker and Serge Gnabry sem héldu sætu sínu frá 3-1 sigrinum á Stoke í ensku úrvalsdeildinni um síðustu helgi.

Thomas Eisfeld kom Arsenal í 1-0 á 61. mínútu eftir stoðsendingu frá Nicklas Bendtner en danski framherjinn var að spila sinn fyrsta leik með Arsenal í tvö ár.

Saido Berahino jafnaði metin aðeins tíu mínútum síðar en hann skoraði einmitt þrennu í sigri á Newport County í umferðinni á undan. Fleiri mörk voru ekki skoruðu í venjulegum leiktíma og því þurfti að framlengja.

West Brom fékk nokkur góð færi á lokakafla framlengingarinnar og Morgan Amalfitano átti meðal annars skot í slá. Arsenal-liðið hélt út og því þurfti að útkljá leikinn í vítakeppni þar sem Arsenal tryggði sér farseðillinn í sextán liða úrslitin.

Vítakeppnin:

1-0 WBA - Steven Reid, mark

1-1 Arsenal - Nicklas Bendtner, mark

2-1 WBA - Markus Rosenberg, mark

2-1 Arsenal - Serge Gnabry (Luke Daniels varði)

3-1 WBA - James Morrison, mark

3-1 Arsenal - Kris Olsson, mark

3-2 WBA - Craig Dawson, framhjá

3-3 Arsenal - Chuba Akpom, mark

3-3 WBA - Morgan Amalfitano, framhjá

4-3 Arsenal - Nacho Monreal, mark