Arteta kvartar yfir leikjaálagi

Það er viðtekin venja að lið sem taka þátt í Evrópukeppnum væli yfir leikjafyrirkomulagi. Nú hefur Mikel Arteta, leikmaður Arsenal, ákveðið að kvarta yfir álaginu.

"Þetta er óskiljanlegt. Við spilum gegn Everton á sunnudegi. Svo er leikur í Meistaradeildinni á miðvikudag og við þurfum að spila aftur á laugardegi Í Manchester," sagði Arteta.

"Eini undirbúningurinn fyrir leikinn er að jafna sig. City verður tilbúið eftir að hafa hvílt marga menn í München," sagði Arteta en andstæðingurinn var einmitt líka að spila í vikunni.

"Við verðum samt að vera tilbúnir. Getum ekki afsakað okkur. Við ætlum okkur að vinna."