Arsenal og Roma hafa áhuga á Ba

Framherjinn Demba Ba virðist ekki eiga neina framtíð á Stamford Bridge og talsverðar líkur á því að hann verði seldur frá félaginu í janúar.

Chelsea vill fá um 15 milljónir evra fyrir leikmanninn sem það keypti frá Newcastle í janúar á þessu ári. Hann á ekki upp á pallborðið hjá Jose Mourinho, stjóra Chelsea.

Arsenal er á meðal þeirra liða sem hefur áhuga en félagið mun klárlega bæta við sig framherja í janúarglugganum.

Ítalska félagið Roma hefur einnig lýst yfir áhuga á leikmanninum og verður áhugavert að sjá hvar hann endar.