Van Persie kominn í jólafrí

Man. Utd varð fyrir gríðarlegu áfalli í dag er í ljós kom að hollenski framherjinn Robin van Persie mun ekki getað spila með liðinu næsta mánuðinn.

Van Persie meiddist á læri er hann tók hornspyrnuna sem skilaði Man. Utd sigurmarki gegn Shaktar Donetsk í Meistaradeildinni.

"Þetta er mjög óheppilegt því ef þið lítið á árangur okkar með Robin og Rooney saman í liðinu þá er það mjög gott. Við höfum saknað þess að geta spilað þeim saman," sagði David Moyes, stjóri Man. Utd.

Það eru fleiri leikmenn meiddir hjá Man. Utd. Michael Carrick og Marouane Fellaini eru báðir fjarverandi.