Ensk stórlið vilja Kevin Volland

Fimm ensk stórlið fylgjast grant með þýska kantmanninum Kevin Volland sem leikur með Hoffenheim í þýsku úrvalsdeildinni í fótbolta.

Volland hefur skorað 7 mörk í 15 leikjum en hann skoraði 6 mörk á síðustu leiktíð, sinni fyrstu fyrir Hoffenheim eftir að hann gekk til liðs við liðið frá 1860 Munchen.

Fyrir utan að geta skorað er Volland fljótur og leikinn en hann leikur á hægri kantinum þrátt fyrir að vera vinstrifótarleikmaður.

Arsenal, Manchester United, Chelsea, Liverpool og Tottenham fylgjast öll með framvindu leikmannsins sem er samningsbundinn Hoffenheim til ársins 2017.

Volland hefur skorað 7 mörk í 14 leikjum fyrir U-21 árs landslið Þýskalands.

Annar ungur kantmaður sem hefur vakið athygli síðustu vikur í Evrópu en Hollendingurinn Bilal Basacikoglu liðsfélagi Alfreðs Finnbogasonar hjá Heerenveen.

Bilal eins og hann er jafnan kallaður er 18 ára gamall en hann hefur vakið mikla athygli frá því að hann braut sér leið inn í lið Heerenveen fyrir þremur vikum síðan.

Talið er að Manchester United fylgist grant með framvindu hans en hann er mjög fljótur og leikinn leikmaður sem virðist eiga bjarta framtíð.