Cleverley: Miðjumenn verða að skora

„Það er alltaf í huga manns að miðjumenn verða að skora nokkur mörk,“ sagði Tom Cleverley miðjumaður Manchester United sem skoraði þriðja mark United í 3-0 sigrinum á Aston Villa fyrr í dag.

„Við vorum með þrjá menn á miðjunni sem gaf okkur meira frelsi til að fara framar. Ár án þess að skora braust svo út í fagnaðarlátum mínum.

„Mér fannst við leika mjög vel og halda boltanum vel. Það var góður hraði í okkar leik. Bæði ég og liðið viljum nota þennan sigur sem stökkpall. Vonandi er þetta byrjunin á góðu gengi,“ sagði Cleverley.

Framherjinn Danny Welbeck var einnig sáttur í leikslok en hann skoraði tvö mörk í dag.

„Liðið lék mjög vel. Við lékum góðan fótbolta og náðum að skora. Góðir framherjar klára færin og þar vil ég spila. Fremstur. Ég er samt ánægður með að spila bæði hægra og vinstra megin á vellinum,“ sagði Welbeck sem gerði mjög vel í báðum mörkum sínum fyrir framan markið.