Suarez: Skiptir engu hver ber fyrirliðabandið

„Það er ekkert öðruvísi að vera fyrirliði. Það er bara einn fyrirliði í Liverpool og það er Steven Gerrard,“ sagði Luis Suarez sem bar fyrirliðaband Liverpool í dag og skoraði tvö mörk og lagði upp hin þrjú í 5-0 sigrinum á Tottenham í dag.

„Við lékum mjög vel og það skiptir meira máli en hver ber fyrirliðabandið.

„Ég reyni alltaf mitt besta á vellinum. Ég er framherji og ég reyni að skora en það sem mestu máli skiptir í dag er frammistaða liðsins. Við lékum mjög vel. Það er mjög gott fyrir sjálfstraustið í liðinu,“ sagði Suarez.

Jordan Henderson skoraði annað mark Liverpool í dag og var hæst ánægður með að vera loksins búinn að skora á tímabilinu.

„Það er frábært. Við vissum að við þyrftum að leika vel hér og þetta var ótrúlegt,“ sagði Henderson eftir leikinn.

„Við þurfum að halda áfram svona. Við eigum stóran leik framundan gegn Cardiff og við verðum að einbeita okkur að honum.“