Þrír sjá um Tottenham-liðið á meðan félagið leitar að stjóra

Tottenham leitar nú að eftirmanni knattspyrnustjórans Andre Vilas-Boas sem var rekinn í morgun eftir 0-5 tapið á móti Liverpool í gær. Gylfi Þór Sigurðsson og félagar eru þó ekki alveg þjálfaralausir á meðan.

Tottenham tilkynnti það á heimasíðu sinni í kvöld að þrír fyrrum leikmenn félagsins, þeir Tim Sherwood, Chris Ramsey og Les Ferdinand, muni sjáum um aðalliðið á meðan yfirmenn félagsins finna nýjan framtíðarstjóra.

Steffen Freund og Tony Parks, aðstoðarmenn Andre Vilas-Boas, munu verða áfram í þjálfarateymi liðsins. Jose Mario Rocha, Luis Martins og Daniel Sousa hætta aftur á móti eins og Andre Vilas-Boas.