Swansea og Hull bæði sektuð fyrir hópslagsmálin

Aganefnd enska knattspyrnusambandið hefur ákveðið að sekta úrvalsdeildarfélögin Swansea City og Hull City um 20 þúsund pund hvort fyrir uppákomu í leik liðanna á dögunum.

Sektin hljómar upp á rúmar 3,8 milljónir íslenskra króna en hún kemur til vegna þess að allt varð vitlaust í miðjum leik Swansea City og Hull City þegar fjöldi leikmanna úr báðum liðum lentu í hópslagsmálum.

Félögin sættu sig bæði við dóminn sem í stóð meðal annars að báðum félögum hafi mistekist að sjá til þess að leikmenn þeirra hagi sér skikkanlega inn á vellinum.

Atvikið kom upp á 80. mínútu í 1-1 jafntefli félaganna á Liberty leikvanginum í Wales. Ashley Williams hjá Swansea og Yannick Sagbo hjá Hull voru upphafsmennirnir og fengu báðir gult spjald sem og Jonjo Shelvey hjá Swansea.