Martinez ætlar að kaupa í janúar

Roberto Martinez, stjóri Everton, vonast til að geta styrkt leikmannahóp sinn þegar opnað verður fyrir félagaskipti um áramótin.

Martinez er ekki vongóður um að þeir Arouna Kone og Darron Gibson spili aftur á tímabilinu en báðir eru að glíma við alvarleg hnémeiðsli.

„Aroune er byrjaður í sinni endurhæfingu og ég reikna ekki með honum. Það væri mikið afrek ef hann næði síðustu tveimur mánuðunum,“ sagði Martinez á blaðamannafundi í dag.

„Janúarglugginn mun vonandi koma okkur að góðum notum því við höfum nú misst tvo leikmenn í langtímameiðsli.“