Keane segir Sir Alex ljúga

Roy Keane, nýráðinn aðstoðarþjálfari írska karlalandsliðsins í knattspyrnu, sat fyrir svörum á blaðamannafundi í dag af því tilefni. Guardian fjallar um málið.

Keane var spurður að því hvort Martin O'Neill væri líklegur til þess að að biðja Keane um að hemja sig eða hvort Keane fengi að leika lausum hala.

„Það þarf ekkert að temja mig. Það er ekki eins og ég sé eitthvert dýr,“ sagði Keane á blaðamannafundinum í dag.

„Ég legg hart að mér og ætlast til mikils af öðrum. Stundum fer ég fram úr mér og í fullri hreinskilni hef ég haft rangt fyrir mér einu sinni eða tvisvar í gegnum árin. Almennt séð, þegar ég lít til baka, þá hafði ég yfirleitt rétt fyrir mér,“ sagði Keane.

Sir Alex Ferguson gagnrýndi karakter Keane og þjálfarahæfileika hana í nýútkominni ævisögu sinni

„Ég ætla ekki að sitja hérna og verja mig vegna ummæla Alex Ferguson. Það bíður betri tíma. Ég ætla ekki að ræða um það. Skoðanir eru skiptar í fótbolta, það er ekkert að því, en þegar lygum er dreift þarf maður að svara fyrir sig. Það ætla ég hins vegar ekki að gera í dag.“