Bók Ferguson slær sölumet

Þó svo Sir Alex Ferguson sé hættur að vinna titla með Man. Utd þá er hann alls ekki hættur að setja met. Ævisaga hans er seld í bílförmum þessa dagana.

Alls voru seld rúmlega 115 þúsund eintök af bókinni hans fyrstu vikuna sem hún var í sölu. Það er mesta sala sögunnar á ævisögu í Bretlandi. Engin bók hefur selst eins mikið fyrstu vikuna.

Ferguson sló mörgum bókum við eins og bók Tony Blair sem seldist í 92 þúsund eintökum fyrstu vikuna. Bók David Beckham fyrir tíu árum síðan seldist í 86 þúsund eintökum á sama tímabili.

Knattspyrnubækur hafa ekki þótt seljast nógu vel og síðasta bók Wayne Rooney seldist aðeins í 5.000 eintökum fyrstu mánuðina.

Það er aftur talsvert meiri áhugi á Ferguson sem skrifaði hreinskilna bók þar sem hvergi er dregið undan.