Mourinho ekki ánægður með Villas-Boas

Jose Mourinho, stjóri Chelsea, og Andre Villas-Boas, stjóri Tottenham, eru ekki lengur vinir. Mourinho var lærifaðir Villas-Boas hjá Porto, Inter og Chelsea en vinskapurinn er nú á enda.

Það var Villas-Boas sem greindi frá þessu. Hann sagðist ekki lengur líta á Mourinho sem vin sinn. Það fór í pirrurnar á stjóra Chelsea.

"Ég ræði ekki svona mál í fjölmiðlum. Þetta er persónulegt mál. Mér er alveg sama hvað hann sagði. Ég hef ekki áhuga á því að taka þátt í þessu," sagði Mourinho pirraður en lið Portúgalanna mætast í ensku úrvalsdeildinni á morgun.

Leikurinn verður í beinni útsendingu á Stöð 2 Sport 2 en hann hefst klukkan 11.45.