Villas-Boas hrósaði Gylfa í hástert | Sjáðu mörkin

„Gylfi er mikill baráttumaður í hópnum og vonast alltaf til þess að fá tækifæri,“ sagði Andre Villas-Boas, stjóri Tottenham, eftir 2-0 sigur á Norwich í dag.

Gylfi Þór Sigurðsson skoraði bæði mörk Spurs, hvort í sínum hálfleiknum, og komst á blað á leiktíðinni. Hann fylgdi sömuleiðis eftir frábærri frammistöðu gegn Albönum á Laugardalsvellinum á þriðjudaginn.

„Þegar hann fær tækifærið þá bíður hann upp á frammistöðu sem þessa. Svona var hann líka í febrúar og mars á síðustu leiktíð. Við sáum það besta til hans í dag.“

Auk þess að skora mörkin tvö rötuðu allar sendingar Gylfa Þórs í leiknum á samherja.