Cabaye skilur vel af hverju menn eru reiðir út í hann

Yohan Cabaye, leikmaður Newcastle, hefur beðið stuðningsmenn félagsins afsökunar á hegðun sinni í sumar en hann vildi ólmur fara frá félaginu.

Cabaye neitaði að spila leiki fyrir félagið á tímabili en þá hafði enska knattspyrnufélagið Arsenal lagt fram boð í leikmanninn. Frakkinn var ekki til sölu og fór því ekki frá Newcastle.

„Mér líður vel með það að vera kominn aftur í liðið og farinn að spila á ný fyrir félagið,“ sagði Cabaye.

Þessi 27 ára miðjumaður átti fínan leik gegn Aston Villa um helgina er Newcastle bar sigur úr býtum 2-1.

„Maður skilur vel ef stuðningsmenn liðsins eru enn reiðir út í mig en það eina sem ég get gert að biðjast afsökunar og halda ótröðum áfram. Ég er ánægður hjá Newcastle og það er það eina sem skiptir máli.“