Stuðningsmenn Chelsea drekka mest

Það er allt rannsakað í kringum enska boltann og núna er búið að taka út alla þá slæmu siði sem fylgja stuðningsmönnum liðanna meðan á tímabilinu stendur. Er margt áhugavert að finna í þeirri rannsókn.

Meðal annars kemur í ljós að 63 prósent stuðningsmanna Arsenal setja makann í annað sætið meðan á tímabilinu stendur. Þeir eyða meiri tíma með vinum sínum og á vellinum.

Stuðningsmenn Man. Utd eru aftur á móti duglegastir í skynidbitanum. Rúmlega helmingur þeirra borðar skyndibita þrisvar sinnum í viku á meðan tímabilið er í gangi.

Stuðningsmenn Chelsea eru aftur á móti mestu drykkjuhrútarnir. 48 prósent þeirra drekka á vellinum og meðaldrykkjan er fjórir stórir bjórar á leikdegi. Það gerir um 1.200 kaloríur á einum leik.

Stuðningsmenn West Ham eru mestu spilafíklarnir og reykingamennirnir. 35 prósent stuðningsmanna West Ham reykja á leikdegi.

Þeir sem styðja Man. City eru aftur á móti latastir við að fara í ræktina og bæta á sig flestum aukakílóum yfir veturinn.

Konur ættu að hugsa sig tvisvar um áður en þær fara í samband með stuðningsmanni Tottenham því 23 prósent þeirra gefa mikið eftir í svefnherberginu meðan á tímabili stendur.