Karlmaður óttast HIV smit eftir að hafa nauðgað konu

Breskur karlmaður, Richard Thomas sem situr nú af sér dóm fyrir að hafa nauðgað konu bíður eftir niðurstöðu um hvort hann hafi smitast af HIV frá konunni.Þetta kemur fram í frétt BBC.

Richard fékk rúmlega fimm ára fangelsisdóm eftir að hafa játað að hafa nauðgað konunni á heimili hennar í Manchester.

Hann vissi að konan var veik en áttaði sig ekki á því að hún væri HIV smituð og fékk áfall þegar lögreglan tilkynnti honum það.

Richard sem er 27 ára fór inn á heimili konunnar og nauðgaði henni þar sem hún var sofandi. Sjálfur var hann undir áhrifum áfengis og fíkniefna og segist ekki muna eftir árásinni. Konan vaknaði við það að hann var að nauðga henni.

Verjandi Richard segir að það sé honum sjálfum að kenna að vera kominn í þessa stöðu. Richard kemst að því síðar í vikunni hvort hann sé HIV smitaður.