Chamakh lánaður til Crystal Palace

Marouane Chamakh mun ekki spila með Arsenal í vetur því félagið er búið að lána hann til nýliða Crystal Palace í ensku úrvalsdeildinni.

Hinn 29 ára gamli Chamakh hefur aldrei náð sér almennilega í gang hjá Arsenal. Hann skoraði ellefu mörk sitt fyrsta tímabil hjá félaginu en hefur aðeins skorað þrjú mörk síðustu tvö tímabil.

Chamakh var lánaður til West Ham í janúar en kom aðeins við sögu í þrem leikjum hjá liðinu.

Chamakh verður löglegur er Palace spilar gegn Tottenham á sunnudag.