Stig hjá Kára og Birni Bergmann

Björn Bergmann Sigurðarson og Kári Árnason voru í byrjunarliðum liða sinna í 1. umferð ensku C--deildarinnar í knattspyrnu í dag.

Kári lék á miðjunni með nýliðum Rotherham sem gerðu 3-3 jafntefli á útivelli gegn Crewe Alexandra. Eitt marka gestanna kom eftir innkast frá Kára sem er þekktur fyrir að geta kastað langt. Rotherham tryggði sér eitt stig með marki í blálokin.

Björn Bergmann og félagar gerðu markalaust jafntefli á útivelli gegn Preston North End.

Birkir Már Sævarsson lék allan leikinn með Brann sem tapaði 2-0 á útivelli gegn Noregsmeisturum Molde. Brann er í 5. sæti deildarinnar eftir átján umferðir.

Matthías Vilhjálmsson og Guðmundur Kristjánsson voru í byrjunarliði nýliða Start sem töpuðu 0-1 heima gegn Odd. Start situr á botni deildarinnar með 15 stig.