Bale fjarlægður af Twitter-síðu Tottenham

Ýmislegt bendir til þess að Gareth Bale verði orðinn leikmaður Real Madrid áður en langt um líður.

Spænski risinn hefur ekki farið leynt með áhuga sinn á Bale sem hefur farið á kostum með Spurs undanfarin tvö tímabil. Spurs hefur hins vegar sagt Bale ekki vera til sölu.

Myndir af Gareth Bale og Clint Dempsey prýddu Twitter-síðu Tottenham þar til fyrir helgi. Dempsey gekk í raðir Seattle Sounders í MLS-deildinni og var skipt út fyrir Aaron Lennon. Í dag birtist svo Moussa Dembele í stað Gareth Bale.

Ástæður þess að Bale var skipt út eru ókunnar en breskir fjölmiðlar telja að um enn eina vísbendinguna sé að ræða þess efnis að Bale fjarlægist Tottenham með hverjum deginum.