Umfjöllun og viðtöl: HK - Breiðablik 0-4 Eiríkur Stefán Ásgeirsson skrifar 30. maí 2013 09:10 Tíu HK-ingar áttu erfitt uppdráttar gegn Pepsi-deildarliði Breiðabliks í Kópavagsslag í 32-liða úrslitum Borgunarbikarsins í kvöld. Sverrir Ingi Ingason kom Blikum yfir úr vítaspyrnu í fyrri hálfleik og Nicolas Rohde við öðru í upphafi þess síðari. Árni Vilhjálmsson skoraði þriðja markið 83. mínútu og Ellert Hreinsson því fjórða í blálokin. Fyrirfram var reiknað með ójafnri viðureign enda leikur HK í 2. deildinni og er skipað ungum heimamönnum sem hafa takmarkaða reynslu af stórleikjum sem þessum. Viðureignin varð fyrst almennilega ójöfn þegar að einn af reyndari leikmönnum HK, bakvörðurinn Stefán Jóhann Eggertsson, var rekinn af velli með rautt spjald. Atvikið gerðist á 30. mínútu og kom eftir þunga sókn Blikanna. Henni lauk með því að Elfar Árni Aðalsteinsson átti skot að marki sem Stefán Jóhann varði með höndinni á marklínu. Víti var dæmt og rauða spjaldið umsvifalaust dregið á loft. Eftir mark Sverris Inga var aldrei spurning um hvoru megin sigurinn myndi lenda. Blikar voru nánast alltaf með boltann og reyndu að þræða sig í gegnum vörn HK, ýmist með fyrirgjöfum eða spili. Mark Rohde var snyrtilegt. Hann fékk sendingu frá varamanninum Guðjóni Petri, sneri laglega á varnarmann og skoraði með föstu skoti. Annar varamaður, Árni Vilhjálmsson, innsiglaði svo endanlega sigurinn með skalla eftir fyrirgjöf Kristins Jónssonar. Árni lagði svo upp fjórða mark Blika er hann sendi boltann inn á Ellert Hreinsson, sem hafði farið illa með nokkur færi í leiknum fram að því. En í þetta sinn afgreiddi hann knöttinn örugglega í netið. Lið HK var auðveld bráð fyrir Blikana að þessu sinni og landsliðsmarkvörðurinn Gunnleifur Gunnleifsson, sem er uppalinn HK-ingur, hafði afar lítið að gera í marki Blikanna í kvöld. HK-ingar börðust þó eins og þeir gátu en höfðu einfaldlega ekki efni á því að missa mann af velli með rautt spjald í kvöld. Blikarnir gerðu sitt og leikurinn varð lítið spennandi fyrir vikið. Ólafur: Við vorum þolinmóðir Ólafur Kristjánsson, þjálfari Breiðabliks, gat ekki verið annað en sáttur við úrslit leiksins í kvöld. „Það er óþarfi að tala um skyldusigur því það setur andstæðinginn niður. Þetta var þægilegur sigur enda spilaðist leikurinn upp í hendurnar okkar þegar þeir misstu manninn út af,“ sagði Ólafur. Hann segir að það hafi verið rétt ákvörðun að reka Stefán af velli. Ingvar Jónsson skutlar sér í rétt horn í þetta skiptið og ver víti Jóhanns Þórhallssonar. „Mér skilst á reglum að það verðskuldi rautt spjald að verja boltann með höndunum á marklínu. Hann var óheppinn og auðvitað var þetta súrt - en reglunum var fylgt eftir.“ Hann segist ánægður með einbeitinguna hjá sínum mönnum í leiknum. „Sérstaklega fyrstu 10-15 mínúturnar eftir rauða spjaldið. Þá sköpuðum við færi sem við hefðum átt að skora úr. Þá datt tempóíð úr leiknum en við náðum að finna ágætar lausnir í seinni hálfleik - við vorum þolinmóðir.“ Gunnlaugur: Ekkert við þessu að segja „Það var erfitt að vera manni færri,“ sagði Gunnlaugur Jónsson, þjálfari HK, eftir tapið gegn Breiðabliki í 32-liða úrslitum bikarkeppninnar í kvöld. „Það var á brattann að sækja eftir það. Ég held að þetta hafi verið rautt spjald samkvæmt bókinni en hann gat ekkert gert í þessu. Hann fékk boltann í bringuna og svo í höndina.“ „Ég hefði gjarnan viljað að hann hefði fengið að hanga inn á en svona er þetta bara og ekkert við því að segja.“ Gunnlaugur segir sína menn hafa brugðist mjög vel við spjaldinu, þó svo að á brattann hafi verið að sækja. „Við vorum reyndar orðnir þreyttir undir lokin þegar þeir skoruðu tvö síðustu mörkin. En fram að því vorum við þéttir fyrir, þó svo að við höfðum ekki verið að skapa okkur mikið.“ „Fram að rauða spjaldinu fannst mér við halda boltanum vel og sköpuðum okkur þar að auki eitt eða tvö færi. Við þorðum að spila og ég er því sáttur við frammistöðuna.“ Pepsi Max-deild karla Mest lesið Þóttist vera með krabbamein með iPhone snúru upp í nefinu Sport Sveindísi var enginn greiði gerður Fótbolti Féllu á lyfjaprófi vegna gúmmíkurls í gervigrasinu Fótbolti Heppni hafi skilað sigri á „of árásargjörnum Íslendingum“ Fótbolti Jón Dagur gagnrýnir sérfræðinga RÚV: „Regla að þú gast ekkert eða veist ekkert?“ Fótbolti Landsliðskonurnar neita að æfa Fótbolti Finna stuðning hver hjá annarri: „Fólki má bara finnast það sem það vill“ Fótbolti Heitt undir Þorsteini: Þetta eru enn ein vonbrigðin núna Fótbolti Ungur Njarðvíkingur fékk hjálp frá systur sinni til að heiðra minningu Jota Fótbolti Kláraði sjötíu pylsur á tíu mínútum Sport Fleiri fréttir Í beinni: FH - Stjarnan | FH þarf stig til að sleppa úr fallsætinu Sjáðu Hallgrím Mar klára KR-ingana á fjórum mínútum „Ekki komnir á þann stað að geta tekið leiki og klárað þá“ Uppgjörið: KR - KA 1-2 | KA úr fallsæti „Búnir að vera á smá hrakhólum“ Uppgjörið: ÍBV - Víkingur 0-0 | Hundleiðinlegt í Eyjum Hundur vildi prófa nýja gervigrasið og fór inn á völlinn í Eyjum Uppgjörið: ÍA - Fram 0-1 | Vuk heldur áfram að skora Uppgjörið: Vestri - Valur 0-2 | Valur heldur pressu á Víkingum ÍR á toppinn en fjögur rauð spjöld og allt vitlaust í lokin Allison með fyrsta markið á nýjum Hásteinsvelli Mæta Víkingum á nýlögðu gervigrasi í Eyjum Ásgeir og Hrannar heiðruðu Jota Sjáðu glæsimark Óla Vals og öll hin í Mosfellsbæ Halldór: „Þetta er kannski lægsta orku-level sem ég hef séð hjá liðinu í sumar“ Njarðvíkingar flugu á toppinn með stórsigri í Grindavík Uppgjörið: Afturelding-Breiðablik 2-2 | Meisturum Blika fataðist flugið Þróttarar breyttu tapi í sigur með tveimur mörkum í lokin Fær tveggja leikja bann fyrir hártogið Varð fullorðinn úti „Reisn“ yfir ákvörðun Jóns Daða sem gaf stórliðunum langt nef „Eitt það versta sem ég hef séð síðustu ár“ „Tilhugsunin um að spila fyrir annað félag sat bara ekki rétt í mér“ Jón Daði skrifar undir hjá Selfossi Ætla skrefinu lengra: „Menn muna þá tilfinningu vel“ Skellihlegið í Stúkunni: Svipuð nærvera og þegar Bjössi hitti Karabatic í Lindex Stúkan: Átti annað mark ÍA að standa og hver skoraði? Sjáðu tvennur Eiðs og Nikolaj, aukaspyrnu Kjartans og öll hin mörkin Uppgjörið: Víkingur - Afturelding 2-1 | Víkingar sluppu með skrekkinn Uppgjörið: KR - FH 3-2 | Eiður Gauti hetja KR-inga Sjá meira
Tíu HK-ingar áttu erfitt uppdráttar gegn Pepsi-deildarliði Breiðabliks í Kópavagsslag í 32-liða úrslitum Borgunarbikarsins í kvöld. Sverrir Ingi Ingason kom Blikum yfir úr vítaspyrnu í fyrri hálfleik og Nicolas Rohde við öðru í upphafi þess síðari. Árni Vilhjálmsson skoraði þriðja markið 83. mínútu og Ellert Hreinsson því fjórða í blálokin. Fyrirfram var reiknað með ójafnri viðureign enda leikur HK í 2. deildinni og er skipað ungum heimamönnum sem hafa takmarkaða reynslu af stórleikjum sem þessum. Viðureignin varð fyrst almennilega ójöfn þegar að einn af reyndari leikmönnum HK, bakvörðurinn Stefán Jóhann Eggertsson, var rekinn af velli með rautt spjald. Atvikið gerðist á 30. mínútu og kom eftir þunga sókn Blikanna. Henni lauk með því að Elfar Árni Aðalsteinsson átti skot að marki sem Stefán Jóhann varði með höndinni á marklínu. Víti var dæmt og rauða spjaldið umsvifalaust dregið á loft. Eftir mark Sverris Inga var aldrei spurning um hvoru megin sigurinn myndi lenda. Blikar voru nánast alltaf með boltann og reyndu að þræða sig í gegnum vörn HK, ýmist með fyrirgjöfum eða spili. Mark Rohde var snyrtilegt. Hann fékk sendingu frá varamanninum Guðjóni Petri, sneri laglega á varnarmann og skoraði með föstu skoti. Annar varamaður, Árni Vilhjálmsson, innsiglaði svo endanlega sigurinn með skalla eftir fyrirgjöf Kristins Jónssonar. Árni lagði svo upp fjórða mark Blika er hann sendi boltann inn á Ellert Hreinsson, sem hafði farið illa með nokkur færi í leiknum fram að því. En í þetta sinn afgreiddi hann knöttinn örugglega í netið. Lið HK var auðveld bráð fyrir Blikana að þessu sinni og landsliðsmarkvörðurinn Gunnleifur Gunnleifsson, sem er uppalinn HK-ingur, hafði afar lítið að gera í marki Blikanna í kvöld. HK-ingar börðust þó eins og þeir gátu en höfðu einfaldlega ekki efni á því að missa mann af velli með rautt spjald í kvöld. Blikarnir gerðu sitt og leikurinn varð lítið spennandi fyrir vikið. Ólafur: Við vorum þolinmóðir Ólafur Kristjánsson, þjálfari Breiðabliks, gat ekki verið annað en sáttur við úrslit leiksins í kvöld. „Það er óþarfi að tala um skyldusigur því það setur andstæðinginn niður. Þetta var þægilegur sigur enda spilaðist leikurinn upp í hendurnar okkar þegar þeir misstu manninn út af,“ sagði Ólafur. Hann segir að það hafi verið rétt ákvörðun að reka Stefán af velli. Ingvar Jónsson skutlar sér í rétt horn í þetta skiptið og ver víti Jóhanns Þórhallssonar. „Mér skilst á reglum að það verðskuldi rautt spjald að verja boltann með höndunum á marklínu. Hann var óheppinn og auðvitað var þetta súrt - en reglunum var fylgt eftir.“ Hann segist ánægður með einbeitinguna hjá sínum mönnum í leiknum. „Sérstaklega fyrstu 10-15 mínúturnar eftir rauða spjaldið. Þá sköpuðum við færi sem við hefðum átt að skora úr. Þá datt tempóíð úr leiknum en við náðum að finna ágætar lausnir í seinni hálfleik - við vorum þolinmóðir.“ Gunnlaugur: Ekkert við þessu að segja „Það var erfitt að vera manni færri,“ sagði Gunnlaugur Jónsson, þjálfari HK, eftir tapið gegn Breiðabliki í 32-liða úrslitum bikarkeppninnar í kvöld. „Það var á brattann að sækja eftir það. Ég held að þetta hafi verið rautt spjald samkvæmt bókinni en hann gat ekkert gert í þessu. Hann fékk boltann í bringuna og svo í höndina.“ „Ég hefði gjarnan viljað að hann hefði fengið að hanga inn á en svona er þetta bara og ekkert við því að segja.“ Gunnlaugur segir sína menn hafa brugðist mjög vel við spjaldinu, þó svo að á brattann hafi verið að sækja. „Við vorum reyndar orðnir þreyttir undir lokin þegar þeir skoruðu tvö síðustu mörkin. En fram að því vorum við þéttir fyrir, þó svo að við höfðum ekki verið að skapa okkur mikið.“ „Fram að rauða spjaldinu fannst mér við halda boltanum vel og sköpuðum okkur þar að auki eitt eða tvö færi. Við þorðum að spila og ég er því sáttur við frammistöðuna.“
Pepsi Max-deild karla Mest lesið Þóttist vera með krabbamein með iPhone snúru upp í nefinu Sport Sveindísi var enginn greiði gerður Fótbolti Féllu á lyfjaprófi vegna gúmmíkurls í gervigrasinu Fótbolti Heppni hafi skilað sigri á „of árásargjörnum Íslendingum“ Fótbolti Jón Dagur gagnrýnir sérfræðinga RÚV: „Regla að þú gast ekkert eða veist ekkert?“ Fótbolti Landsliðskonurnar neita að æfa Fótbolti Finna stuðning hver hjá annarri: „Fólki má bara finnast það sem það vill“ Fótbolti Heitt undir Þorsteini: Þetta eru enn ein vonbrigðin núna Fótbolti Ungur Njarðvíkingur fékk hjálp frá systur sinni til að heiðra minningu Jota Fótbolti Kláraði sjötíu pylsur á tíu mínútum Sport Fleiri fréttir Í beinni: FH - Stjarnan | FH þarf stig til að sleppa úr fallsætinu Sjáðu Hallgrím Mar klára KR-ingana á fjórum mínútum „Ekki komnir á þann stað að geta tekið leiki og klárað þá“ Uppgjörið: KR - KA 1-2 | KA úr fallsæti „Búnir að vera á smá hrakhólum“ Uppgjörið: ÍBV - Víkingur 0-0 | Hundleiðinlegt í Eyjum Hundur vildi prófa nýja gervigrasið og fór inn á völlinn í Eyjum Uppgjörið: ÍA - Fram 0-1 | Vuk heldur áfram að skora Uppgjörið: Vestri - Valur 0-2 | Valur heldur pressu á Víkingum ÍR á toppinn en fjögur rauð spjöld og allt vitlaust í lokin Allison með fyrsta markið á nýjum Hásteinsvelli Mæta Víkingum á nýlögðu gervigrasi í Eyjum Ásgeir og Hrannar heiðruðu Jota Sjáðu glæsimark Óla Vals og öll hin í Mosfellsbæ Halldór: „Þetta er kannski lægsta orku-level sem ég hef séð hjá liðinu í sumar“ Njarðvíkingar flugu á toppinn með stórsigri í Grindavík Uppgjörið: Afturelding-Breiðablik 2-2 | Meisturum Blika fataðist flugið Þróttarar breyttu tapi í sigur með tveimur mörkum í lokin Fær tveggja leikja bann fyrir hártogið Varð fullorðinn úti „Reisn“ yfir ákvörðun Jóns Daða sem gaf stórliðunum langt nef „Eitt það versta sem ég hef séð síðustu ár“ „Tilhugsunin um að spila fyrir annað félag sat bara ekki rétt í mér“ Jón Daði skrifar undir hjá Selfossi Ætla skrefinu lengra: „Menn muna þá tilfinningu vel“ Skellihlegið í Stúkunni: Svipuð nærvera og þegar Bjössi hitti Karabatic í Lindex Stúkan: Átti annað mark ÍA að standa og hver skoraði? Sjáðu tvennur Eiðs og Nikolaj, aukaspyrnu Kjartans og öll hin mörkin Uppgjörið: Víkingur - Afturelding 2-1 | Víkingar sluppu með skrekkinn Uppgjörið: KR - FH 3-2 | Eiður Gauti hetja KR-inga Sjá meira