Geimfararnir lentir á móður Jörð

Tungflaug af Soyuz gerð, með þriggja manna áhöfn, lenti heilu á höldnu á sléttum Kazakhstan í gær.

Áhöfnin samanstendur af hinum kanadíska Chris Hadfield, bandaríkjamanninum Thomas Marshburn og rússanum Roman Romanenko.

Mennirnir voru að koma til jarðar eftir fimm mánaða veru í alþjóðlegu geimsstöðinni. Myndir frá NASA sýndu Soyz-flaugina skjóta út fallhlífum og lenda á skrælnaðri sléttunni við heiðan himinn. Rússneskar herdeildir voru í viðbragðsstöðu og björgunarþyrlur dreif að. Geimfararnir brostu og virtust við bestu heilsu þar sem þeir röbbuðu við yfirmenn geimferðaráætlunarinnar og lækna sem skoðuðu þá við komuna til jarðar.