Jennifer Aniston frestar brúðkaupi sínu

Enn og aftur spillir Angelina Jolie áformum Jennifer Aniston.

Þeim sem fylgjast með vendingum í Hollywood er enn í fersku minni er Brad Pitt yfirgaf Aniston fyrir margt löngu til að fara í faðm Angelinu. Aniston hafði ráðgert að giftast í sínum heittelskaða; handritshöfundinum og leikaranum íturvaxna, Justin Theroux, í sumar og voru farin að undirbúa veisluhöldin meðal annars með því að innrétta glæsivillu Jennifer í Bel Air fyrir litla 2,5 milljarða. En, nú hefur Brad Pitt tilkynnt að hann og Angelina Jolie ætli að ganga í það heilaga í sumar sem hefur kostað það að Jennifer Aniston hefur slegið öllum áformum sínum á frest. Hún ætlar ekki að standa í skugga Angelinu eina ferðina enn.