Erlent

McDonalds ætlar að vera í sambandi við Charles Ramsey

Það er óhætt að segja að lífleg frásögn Charles Ramsey á því hvernig hann kom Amöndu Berry til hjálpar við flóttann frá heimili Ariel Castro á mánudaginn, hafi vakið mikla athygli.

Ramsey lýsti nákvæmlega í fjölmiðlum, og raunar líka í símtalinu til Neyðarlínunnar, hvernig hann hefði verið að borða hamborgara frá McDonalds skyndibitakeðjunni þegar hann varð var við Amöndu sem kallaði á hjálp úr næsta húsi.

Eins og greint hefur verið frá þá var Amöndu haldið fanginni í áratug ásamt tveimur öðrum konum á heimili Carlos í Cleveland. Þrír bræður eru í haldi vegna málsins.

Amanda ásamt systur sinni og dóttur sem hún eignaðist í prísundinni.
Í gær birtist á Twitter-síðu McDonalds kveðja þar sem þeir hrósuðu konunum fyrir hugrekki í hryllilegum aðstæðum auk þess sem þeir hvöttu Charles til dáða. Þeir luku svo færslunni á orðunum, „Við verðum í sambandi“, og því ekki ólíklegt að skyndibitakeðjan þakki Ramsey vel fyrir auglýsinguna.

Hér fyrir neðan má sjá kveðjuna orðrétta:

„We salute the courage of Ohio kidnap victims & respect their privacy. Way to go Charles Ramsey -- we'll be in touch."


Tengdar fréttir

Gruna bræðurna um að hafa rænt fjórðu stúlkunni

Alríkislögreglan í Bandaríkjunum rannskar nú hvort bræðurnir, sem rændu stúlkunum þremur og héldu föngnum á heimili eins þeirra í Cleveland tíu ár, hafi einnig rænt fjórðu stúlkunni, Ashley Summers, sem hvarf árið 2007, þegar hún var fjórtán ára gömul.

Ein kvennanna eignaðist dóttur í prísundinni

Búið er að handtaka þrjá bræður sem eru grunaðir um að hafa rænt þremur konum og haldið þeim föngnum á heimili eins þeirra í Cleveland í Bandaríkjunum í um tíu ár. Konunum var bjargað í gær auk sex ára gamallar stúlku sem AP fréttastofan segir að sé dóttir Amöndu Berry.

Mest lesið


Fleiri fréttir

Sjá meira


×

Mest lesið