Sterling með báða fætur á jörðinni

Ungstirni Liverpool, hinn 18 ára gamli Raheem Sterling, er með báða fætur á jörðinni þrátt fyrir ágætt gengi með Liverpool í vetur.

Leikmaðurinn segist ekki vera búinn að afreka neitt þó svo honum hafi tekist að festa sig í sessi.

"Ég hef þurft að þroskast mikið í vetur og ég skil vel að ég hef ekki afrekað neitt enn sem komið er. Ég sem ungur leikmaður hef þurft að halda einbeitingu og halda áfram að leggja hart að mér," sagði Sterling.

"Ég skil vel þá stöðu sem ég er í. Ég þarf að halda áfram að bæta mig og nýta mín tækifæri. Það er eina leiðin til að þróast. Þrátt fyrir fínt gengi finn ég ekki fyrir aukinni pressu. Ég veit að ég þarf bara að halda mínu striki."