Leikmaður Newcastle rotaður á djamminu í Manchester

Danny Simpson, varnarmaður Newcastle, lenti í blóðugum slagsmálum í Manchester um helgina. Hann stóð sig ekki vel í látunum og endaði meðvitundarlaus á götunni.

Simpson var að fagna sigri liðsins á Chelsea. Það gerði hann með fyrrum félögum sínum hjá Man. Utd, Danny Welbeck og Tom Cleverley.

Simpson var að fá sér kebab fyrir svefninn eftir gott kvöld á galeiðunni er hann lenti í rifrildi. Það rifrildi endaði með ósköpum.

"Svo allir viti það þá er í lagi með mig. Tveir á móti einum, vel gert," sagði Simpson á Twitter-síðu sinni.

Simpson ætlar ekki að kæra málið og er í fínu lagi í dag.