Mætti í bol með mynd af viðhaldi Giggs

Wilfried Zaha, tilvonandi leikmaður Man. Utd, fylgist greinilega ekki mikið með slúðurpressunni því fataval hans er hann fór í læknisskoðun hjá Man. Utd hefur vakið gríðarlega athygli.

Zaha mætti í læknisskoðunina í bol með mynd af fyrirsætunni Imogen Thomas. Af hverju þykir það áhugavert? Jú, Thomas þessi hélt á sínum tíma við goðsögn liðsins, Ryan Giggs.

Breska slúðurpressan hefur gert mikið grín að Zaha í allan dag og spurning hvað Giggs segir við hann er mætir á æfingu með liðinu.