Ekki mjög gott fyrir framherja að vera keyptur til Chelsea í tíð Romans

Chelsea gekk í gær frá kaupunum á Demba Ba frá Newcastle fyrir sjö milljónir punda en Senegalmaðurinn verður enn ein framherjinn sem keyptur er til Chelsea á tíu ára valdatíma Romans Abramovic. Hingað til hefur ekki boðað gott að vera keyptur til Chelsea í tíð Romans en Daily Mail hefur tekið eftirfarandi tölfræði saman.

Þegar Rússinn keypti Chelsea voru hjá félaginu framherjarnir Jimmy Floyd Hasselbaink frá Hollandi, Gianfranco Zola frá Ítalíu, Eiður Smári Guðjohnsen frá Íslandi og Tore Andre Flo frá Noregi.

Þessir fjórir skoruðu samtals 216 mörk í úrvalsdeildinni en tíu sóknarmenn sem keyptir voru eftir að Abramovic eignaðist félagið á samtals 36 milljarða króna skoruðu til samans 242 mörk í úrvalsdeildinni.

Didier Drogba á reyndar bróðurpartinn af þssum 242 mörkum því hann skoraði 100 mörk í 226 leikjum fyrir Lundúnaliðið á árunum 2004 til 2012.

Eiður Smári skoraði 54 mörk í 186 deildarleikjum með Chelsea-liðinu frá 2000 til 2006

Demba Ba gæti spilað sinn fyrsta leik með Chelsea í dag þegar liðið mætir Southampton í enska bikarnum í beinni útsendingu á Stöð 2 Sport en leikurinn hefst klukkan 15.00.

Framherjar keyptir áður en Roman að kom til Chelsea:

Jimmy Floyd Hasselbaink - Leikir: 136 Mörk: 69

Gianfranco Zola - Leikir: 229 Mörk: 59

Eidur Gudjohnsen - Leikir: 186 Mörk: 54

Tore Andre Flo - Leikir: 112 Mörk: 34

Framherjar keyptir eftir að Roman kom til Chelsea:

Adrian Mutu (15,8 milljónir punda) - Leikir: 27 Mörk: 6

Hernan Crespo (16,8 milljónir punda) - Leikir: 49 Mörk: 20

Name: Didier Drogba (24 milljónir punda) - Leikir: 226 Mörk: 100

Mateja Kezman (5 milljónir punda) - Leikir: 25 Mörk: 4

Andriy Shevchenko (30,8 milljónir punda) - Leikir: 48 Mörk: 9

Salomon Kalou (8 milljónir punda) - Leikir: 156 Mörk: 36

Claudio Pizarro (frítt) - Leikir: 21 Mörk: 2

Nicolas Anelka (15 milljónir punda) - Leikir: 125 Mörk: 38

Daniel Sturridge (6 milljónir punda) - Leikir: 63 Mörk: 13

Fernando Torres (50 milljónir punda) - Leikir: 66 Mörk: 14