Mackay ætlar ekki að segja upp

"Dead man walking," er orðatiltækið þegar rætt er um Malky Mackay, stjóra Cardiff, þessa dagana. Honum hefur verið boðið upp á tvo möguleika. Segja upp eða vera rekinn.

Hinn skrautlegi eigandi Cardiff, Vincent Tan, sendi honum tölvupóst þar sem þessir afarkostir voru útlistaðir. Mackay ætlar ekki að hætta og bíður því í raun eftir að vera rekinn.

Það er mikil spenna í höfuðstöðvum Cardiff út af þessu máli og það skiljanlega. Talið er að Cardiff sé þegar búið að ræða við eina fjóra stjóra um að taka við liðinu.

Mackay verður væntanlega á hliðarlínunni eftir nokkrar mínútur er Cardiff spilar við Liverpool.